كونفەرەنسيانىڭ العاشقى كۇنى «ەۋرازيا جانە دامۋشى نارىق: ساۋدا، ينۆەستيسيا، تاجىريبە الماسۋ»، «احقو: مۇناي جانە گاز ءوندىرىسىنىڭ جاڭا مۇمكىندىكتەرى» سياقتى پانەلدىك سەسسيالارىمەن ءوز جۇمىسىن باستادى.

مامانداندىرىلعان حالىقارالىق كونفەرەنسيانىڭ باستى ماقساتى — ءوز الاڭىندا الەمدىك ساراپشىلاردى، ساياساتكەرلەردى، بيزنەس، مەملەكەتتىك قىزمەت وكىلدەرىن جانە عىلىمي ورتالىقتاردى، حالىقارالىق قارجى ورتالىقتارىن، سونداي-اق احقو-دا تىركەلگەن كومپانيالار وكىلدەرىن بىرىكتىرۋ. سونىمەن قاتار، يسلامدىق قارجىلاندىرۋ سالاسىنداعى وزەكتى ماسەلەنى تالقىعا سالىپ، يسلامدىق قارجىلاندىرۋ پرينسيپتەرى كەڭەسىنىڭ ءرولى مەن قازاقستانداعى يسلامدىق قارجى قىزمەتىنىڭ بولاشاعىن انىقتاپ، اتالعان سالاداعى ماڭىزدى ماسەلەلەردى شەشۋ بولىپ تابىلادى.

ەسكە سالساق،   2018 جىلدىڭ 5 شىلدەسىندە رەسمي تۇردە اشىلعان «استانا» حالىقارالىق قارجى ورتالىعى (احقو) بۇگىندە الەمدىك قارجى ورتالىقتارى اراسىندا ءوز ورنىن تاۋىپ، ەل ەكونوميكاسىنىڭ قارقىندى دامۋىنا وزىندىك ۇلەس قوسىپ كەلە جاتىر.

وعان دالەل احقو-نىڭ الەمنىڭ ەڭ بەدەلدى 102 قارجى ورتالىقتارىنىڭ جاھاندىق رەيتينگىسىندە (GFCI) 51ء-شى ورىنعا جايعاسۋى.

وڭىرلىك قارجىلىق حاب وسىمەن ەكىنشى مارتە ەل ەكونوميكاسىن دامىتۋ جولدارى تالقىلاناتىن «Astana Finance Days» مامانداندىرىلعان ارنايى كونفەرەنسياسىن وتكىزۋدە.

ايتا كەتەرلىگى، بيىلعى جىلى كونفەرەنسيا جۇمىس توبى فورماتىندا ءوتىپ، وعان الەمنىڭ قارجى سالاسىنىڭ بىلىكتى 300-گە تارتا ساراپشىلارى قاتىسۋدا.